Wikisource wawikisource https://wa.wikisource.org/wiki/Wikisourd:Mwaisse_p%C3%A5dje MediaWiki 1.47.0-wmf.20 first-letter Media Sipeciås Copene Uzeu Uzeu copene Wikisourd Wikisourd copene Imådje Imådje copene MediaWiki MediaWiki copene Modele Modele copene Aidance Aidance copene Categoreye Categoreye copene Oteur Oteur copene Pådje Pådje copene Indek Indek copene TimedText TimedText talk Module Discussion module Event Event talk 0 6926 36773 36770 2026-09-21T13:21:15Z Lucyin 29 36773 wikitext text/x-wiki {{modeyes|[[Istwere di nouv måjhones do Grand Broû d’ Roclindje|Rifondou walon]]}} <div class="text"> {{tite|Histwère di noûf mohones dè Grand Broû d’Roclindje}} {{c|[[Oteur:Henri Frénay|Henri Frénay]]|fs=125%|mtb=1}} {{c|1927|fs=120%}} <hr/> {{c|[[Histwère di noûf mohones dè Grand Broû d’Roclindje/0|''Henri Frénay'' pa Fr. Olyff]] — [[Histwère di noûf mohones dè Grand Broû d’Roclindje/I|D’abôrd]] — [[Histwère di noûf mohones dè Grand Broû d’Roclindje/II|Prumî mohone]] — [[Histwère di noûf mohones dè Grand Broû d’Roclindje/III|Deuzinme mohone]] — [[Histwère di noûf mohones dè Grand Broû d’Roclindje/IV|Treûzinme mohone]] — [[Histwère di noûf mohones dè Grand Broû d’Roclindje/V|Amon Délîssé]] — [[Histwère di noûf mohones dè Grand Broû d’Roclindje/VI|Batème]] — [[Histwère di noûf mohones dè Grand Broû d’Roclindje/VII|Djôsèf Picite]] — [[Histwère di noûf mohones dè Grand Broû d’Roclindje/VIII|Cwatrinme mohone]] — [[Histwère di noûf mohones dè Grand Broû d’Roclindje/IX|Cinquinme mohone]] — [[Histwère di noûf mohones dè Grand Broû d’Roclindje/X|Sîhinme mohone]]}} {{c|[[Histwère di noûf mohones dè Grand Broû d’Roclindje/XI|On crime è Wèrihèt]] — [[Histwère di noûf mohones dè Grand Broû d’Roclindje/XII|Trésôrs catchîs]] — [[Histwère di noûf mohones dè Grand Broû d’Roclindje/XIII|Sètinme mohone]] — [[Histwère di noûf mohones dè Grand Broû d’Roclindje/XIV|Hûtinme mohone]] — [[Histwère di noûf mohones dè Grand Broû d’Roclindje/XV|Noûvinme mohone]] — [[Histwère di noûf mohones dè Grand Broû d’Roclindje/XVI|Djeûx et amûs’mints]]}} </div> [[Imådje:Frénay nouv måjhones.jpg|thumb|center]] [[Categoreye:Ouves sicrîtes e Feller]] [[Categoreye:Ouves sicrîtes e Feller timprou]] [[Categoreye:Bassindje]] 1t24md6w490gf9k5hci8geab5w7y3k6 36776 36773 2026-09-21T13:39:42Z Lucyin 29 36776 wikitext text/x-wiki {{modeyes|[[Istwere di nouv måjhones do Grand Broû d’ Roclindje|Rifondou walon]]}} <div class="text"> {{tite|Histwère di noûf mohones dè Grand Broû d’Roclindje}} {{c|[[Oteur:Henri Frénay|Henri Frénay]]|fs=125%|mtb=1}} {{c|1927|fs=120%}} <hr/> {{c|[[Histwère di noûf mohones dè Grand Broû d’Roclindje/0|Adrovaedje e francès]] — [[Histwère di noûf mohones dè Grand Broû d’Roclindje/I|D’abôrd]] — [[Histwère di noûf mohones dè Grand Broû d’Roclindje/II|Prumî mohone]] — [[Histwère di noûf mohones dè Grand Broû d’Roclindje/III|Deuzinme mohone]] — [[Histwère di noûf mohones dè Grand Broû d’Roclindje/IV|Treûzinme mohone]] — [[Histwère di noûf mohones dè Grand Broû d’Roclindje/V|Amon Délîssé]] — [[Histwère di noûf mohones dè Grand Broû d’Roclindje/VI|Batème]] — [[Histwère di noûf mohones dè Grand Broû d’Roclindje/VII|Djôsèf Picite]] — [[Histwère di noûf mohones dè Grand Broû d’Roclindje/VIII|Cwatrinme mohone]] — [[Histwère di noûf mohones dè Grand Broû d’Roclindje/IX|Cinquinme mohone]] — [[Histwère di noûf mohones dè Grand Broû d’Roclindje/X|Sîhinme mohone]]}} {{c|[[Histwère di noûf mohones dè Grand Broû d’Roclindje/XI|On crime è Wèrihèt]] — [[Histwère di noûf mohones dè Grand Broû d’Roclindje/XII|Trésôrs catchîs]] — [[Histwère di noûf mohones dè Grand Broû d’Roclindje/XIII|Sètinme mohone]] — [[Histwère di noûf mohones dè Grand Broû d’Roclindje/XIV|Hûtinme mohone]] — [[Histwère di noûf mohones dè Grand Broû d’Roclindje/XV|Noûvinme mohone]] — [[Histwère di noûf mohones dè Grand Broû d’Roclindje/XVI|Djeûx et amûs’mints]]}} </div> [[Imådje:Frénay nouv måjhones.jpg|thumb|center]] [[Categoreye:Ouves sicrîtes e Feller]] [[Categoreye:Ouves sicrîtes e Feller timprou]] [[Categoreye:Bassindje]] 4pk28o8yqr7tngqbk4zf6fzi96lilk7 0 6928 36774 36772 2026-09-21T13:38:31Z Lucyin 29 36774 wikitext text/x-wiki {{modeyes|[[Istwere di nouv måjhones do Grand Broû d' Roclindje/I|Rifondou walon]]}} {{tiestire | tite = Histwère di noûf mohones dè Grand Broû d’Roclindje | oteur = Henri Frénay | seccion = I | eplaideu = Les Imprimeries du Limbourg | divant = [[Histwère di noûf mohones dè Grand Broû d’Roclindje|Dressêye]] | shuvant = [[Histwère di noûf mohones dè Grand Broû d’Roclindje/II|Prumî mohone]] | aneye = 1927 }} <div class="text"> {{tite|D'abôrd…}} <big>'''D'''</big>è pus lon qu' dji m' sovinse, i m' sonle co oyi m'mame nos dire, tot mostrant l' tièr dè Capitinne - « Quand djèsteûs djône, on z'a v'nou marquer là d'zeur, câzi a l'ori des tchamps, li plèce wisse qu'on ch'min d' fer divév' passer on djoû. » Si lèdjir riya d' moqu'rèye nos provév' assez qui c' n' èsteûs là qu'tos babioles. Mins, qui passah' ou qui n' passah' nin, nos seûlès rûses da nos autes, les crapôs, c'est qui d'monah' dèl plèce assez âs ouhês po fé leûs nids et qu' les frissès rouwalètes ni fourih' nin d'valkizêyes po qu' les trèyresses y v'nih' co tchanter les novèlès tchansons d'Paris, ou nos si doûx crâmignons walons, tot pavant di tetchlés stous, li vért wazon ou l' doux mossê, wisse qu'elles s'achthivèt. Vos pinsez bin, mes bravès djins, qui c'esteût une sotrêye édon qui d'volou fé passer on ch'min d'fêr divins ces bwès-là ! N'alans nin pus lon qui l' Tchavêye Lina, quimint âreût-i fait don po d'hinde et r'monter fou d'une mê assi rastreûtèye ? Et l'thier mons Dri ! et l'çi dè feu d'tchâs dji n'dis nin co et portant way' po les djins qui pass'ront él rouwalète là d'zos si on djoû i birzôdêye al valêye! Li thier Nolu bon ossi, mins l'trô al mâye et l'çi à savion ! qué novèle ? Et l'thiér Peket avou ses trôs et ses bosses, quimint fé po d'hinde di là d'zeûr, seûy'-t-i vès l'Eclôs ou l'thapèle podris l'hâhe ! (*) Infin nos riyîs qu'assotih' di tos ces bwègnes missedjes-là et nos avîs bin raison, ca des annêyes et des razannêyes passît et l' «wapeûr» come on d'hév' a c' timps-là ni passa mây. Mins si dj' eûy situ è nosse mohone, a corant dè Broû, è meûs d'awout 1914, quand di là d'zeû les bwès, dè costé d'l'âbe Patrotet, on-z-oyév' roudi l' canon a tot côp bon, âreûs-dj' co riyé, sọn m'eûy' dit: Ossi vite qui ces bruts-la finih'ront, li ch'min d'fer di mâlédiction hufél'rè di totes les fwèces di s' locomotive tot passant so vosse teût ! — So nosse teût. awè, éco bin pus haut qu' nosse teût. On djoû, des mâdits, adon qu'on z'èsteût d'zos leûs talons, v'nît mèrzer, des autes sûvît plantant des pâs chal et là, après zèls enn' eût po trawer dès tchavêyes, niv'ler des trôs, ristoper des hores ou r'hôssi des basses. Les mâloureûs qu'estit a d'meûre so leu passèdje, n'eûrit qui djusse li timps d' sâver leû bèdrêye, leûs pauves vîx meûbes et tos ces rahisses qui v'nèt des tây's et des tâyurons et qu'on wâde si précheûs'mint. Mins l'foûme è mur, wisse qui dispôy' li vîx pépé on z' a turtos nêhou et là qu' l'ong après l'aute on va sèrer ses ouy's po todis, mins l'djivâ avou s' crucifix d'keûve ou di stin inte deûs tchandleûs, une bwète di brocale so 'n'cwéne et 'n'pipe à l'hôle so l'aute, li vîle hôrlodje inte l'ârmâ et l'ouh' dél plèce di drî, avou on bofet qui pind â cadran djondant d'ine botéye d'hôle di Hârlem elahèye vès l' buzê, li sânî qui lait r'toumer s' covieke chaque côp qu'on va r'çû novèle, li grand mureû avou s' brune câde et li d'fesseû mètou podrî, li conte-coûr, li pîre à feû, li stoûf à pot avou s'plate bûse, wisse qu'on fait cûr les pomes et souwer les hètchotes po l'prumî blamèye à matin, les onès dè plafond po pinde les flitches di lârd, les djambons et l'sâcisse, quand on z'a touwer, li sîz'leû, acrocté è soûmî, les f'gnèsses avou des gordènes qui pindèt so des potêyes di fleûrs, les vêrts volêts, l'ouh di d'vant avou si-onê d'keûve, li spira, li hâhe, lès hâyes, li ponsê, les oûhês atêti di v'ni, tchaque annèye, fé leus nids el minme plèce, tot coula vèyéz-ve, on n'l'èpwète nin avou lu et çou qu'on z' èmonne a-st-ossi mâlâhèye di r'prinde vèye aute pât, qu'on vîx âbe qu'on displante. On djoû donc, on wagon rimpli d'tère et d'trigus qu'on vèyév' dispôy' quéque timps s'aprèpi todis on pau pus près et rècori vinte a tère po riv'ni acoûse, s'apontiha disconte li tch'minèye del prumîre mohone et vuda s'tchèdje qui cwasa l' teût et d' fonça l' plafond. Vos pinsez bin qui les fièsses les pus solides et les soûmis les mîx astipés n'arît polou rat'ni on parèy' pwèds; et s'is s'avît vôcis disconte, is d'vît quand minme si rinde, ca i v'na des autes et co des autes, djusqu'a tant qu'is passih' dissus po ric'minci l'minme ovrèdje pus lon. A c'moumint là, tot l'monde èsteût si d'louhi dè grand mâleûr qui soflév' so nosse pauve pitit payis, qu'on n'si r'tourna wère so ces misèrâbès djins, epwèrtant tot plorant çou qui polît sâver di leus manedjes. Is trovît djîse come is polît, â hazard, les meûbes et lès rahisses eûrît dès plèces « provisoires » come li canâl di Bwès l'Duc… On magna d'zos' n'aute plafond, on louqua houte di des f'gnèsses qui s'drovivet so des autès hayes, on djèmiha, on horba ses lâmes et on s'y fat. Li vèye, hureus'mint, est insi faite qui les pus grandès pônes, arivèt todis on djoû à s'aswadji. Pus târd on hoûta sins colére li huflèt des trains qui passivet-st-asteûr à bê mitan del tèrre Pirote, astohant li cowe Pâques et l'vôye dèl tchavêye direk, po moussi d'vins li spèheur dès thiers di Yonce, riv'ni à djoû à Glons et nn'aler so l' flamind po bèl et po tot, et quand les wazons et les mossês eurît mètou leus vètès mousseures so les hisdeûs «talus », on n'li fat pus les mowes. Asteûr po-z-aler d'vins çou qui d'meûre di ces bês bwès, qui vont mète une si agréabe bwèrdure âs tchamps qui sont là d'zeûr, i fât-st-aler tourner à Bassindje ou passer so Hoûtain, çou qui fait qu'on n'y va pus. Li pus bèle cwèrnète di Roclindje est abîmêye po todis ! Lès vîx èn'iront avou leûs r'grets et les djônes ni s'sârît plainde d'une sakwè qui n'ont nin c'nohou. Portant, di nosse Broû mesbrudjî et racourçi, dji va sayî di r'fé par li pinsêye l'ahâyant tâv'lê po les çis qu'vinront st-après nos autes. Mètans-nos chal à l'ombe des canadas et des ôromes dèl vôye dè tchârlî. A hlintche main li pré Fâbri inte ses hâyes di spènes s'alonguih' djusqu'a Sâçeû ; vès l'mitan on trô, wisse qu'a mons d'êwe qui d'assong', — chèv d'abeû po les vatches; tot disconte, des djoncs d'une téle hauteûr qui nos y alîs djower a l'rèspounète. Disconte çi pré chal, on corti court dilon del vôye tot s'rastreûtihant djusqu'a l'blanque lèvèye. Di chal une goriète d'ôromes avancih' vès l'Eclôs qui l'arête tot vôçant disconte lèye les bures di ses tchâgnes et d' ses biolîs. Des mèyes d'âbes aboutèt leus tiésses foû d'tos les prés d'la âtou. Là pus lon li thier dèl tchapele gripe avou totes ses vèrdures vès l'çir, qu'a l'air di s'abahi po l'aidi à monter. Pus près d'nos autes, à dreûte, li blanque lèvêye avou ses acasias sâye di rèspouner l'tchafor acropou so li d'zeûr d'une « pèloûse » qu'a l'foûme d'une truvèle d'êse sins mantche. Ci n'èsteut la qu'çir et vèrdure. Des pazês et des rouwalètes gâylotés di violètes et d'pâpâ-lôlô, s'èfoncivèt d'vins les cohes wisse qu'on houmév', avou bouneûr, çisse bonne odeur di crouwin, qu'amousse di d'zos les mwètès foyes qui poûrihèt à pid d'l'âbe après aveûr situ si ôrnumint. Des troûlèyes d'oûhês di totes les sôrts tchantivèt là tot avâ. Po zèls come po nos autes, c'èsteût ine cwène dè Paradis. Alez oùy' fể n' tournêye vèrs la, qui vèyez-v' ? On haut et anoyeûs « talus » avou so li d'zeûr des pâs qui s'sûvèt-st-in guilite raloyis l'ong a laute avou des hâsplêyes di fils d'arca, des wagons tot spités qui passèt-st-acoûse, honteûs d'zèls minmes, cwèrant à s'ewalper el sipèsse et flairante foumî qui soflet foû d'leûs gueuyes, des autes co pus mâssîs, etchinnés, dwèrmèt pâhûlmint durant des longuès saminnes à mitan d'dès jèbes que l'zi montèt djusqu'âs moyous. Po nos d'goster tot à fait d'louquî di ç'costè là on z'a {{cor|cathî|catchî}} 'n' pârtèye dè cir avou on batumint qui n'a ni coleur, ni foume, ni façon: c'est l'gâre. Les djins n'y v'nèt qui djusse li timps di s'sâver à tote vapeûr. I n'est pus li bê timps, qui di nos f'gnèsses nos vèyîs d'wisse qui l'vint soflév', rin qu'a louquî les rivèrinces qui les âbes si fivèt inte zèls, so les haûteûrs dè « tchvau-â-Bay' ». Ah! mes bèlès annêyes, i n'vis d'meûre pus po v'racrocter â passé qui mes doûx sov'nîrs. Come des ombions, is balzinèt lôy'minôy', discoredjî di n' pus r'trover çou qui m'tinév' tant à coûr et, mâgré tot, is riv'net sins r'lah', pinsant bin sûr qu'une nute, par murâke, tos ces damnés ovrèdjes sèront soflés à diale et co pus lon. Li ci qu'a co l'teûtê wisse qu'a nêhou, ni c'nohe si boûneur ! </div> [[Categoreye:Ouves sicrîtes e Feller]] [[Categoreye:Ouves sicrîtes e Feller timprou]] [[Categoreye:Bassindje]] [[Categoreye:Tecses]] cc1d98go2mj01512ynjm7i408zr729k 36775 36774 2026-09-21T13:39:12Z Lucyin 29 36775 wikitext text/x-wiki {{modeyes|[[Istwere di nouv måjhones do Grand Broû d' Roclindje/I|Rifondou walon]]}} {{tiestire | tite = Histwère di noûf mohones dè Grand Broû d’Roclindje | oteur = Henri Frénay | seccion = I | eplaideu = Les Imprimeries du Limbourg | divant = [[Histwère di noûf mohones dè Grand Broû d’Roclindje/0|Adrovaedje e francès]] | shuvant = [[Histwère di noûf mohones dè Grand Broû d’Roclindje/II|Prumî mohone]] | aneye = 1927 }} <div class="text"> {{tite|D'abôrd…}} <big>'''D'''</big>è pus lon qu' dji m' sovinse, i m' sonle co oyi m'mame nos dire, tot mostrant l' tièr dè Capitinne - « Quand djèsteûs djône, on z'a v'nou marquer là d'zeur, câzi a l'ori des tchamps, li plèce wisse qu'on ch'min d' fer divév' passer on djoû. » Si lèdjir riya d' moqu'rèye nos provév' assez qui c' n' èsteûs là qu'tos babioles. Mins, qui passah' ou qui n' passah' nin, nos seûlès rûses da nos autes, les crapôs, c'est qui d'monah' dèl plèce assez âs ouhês po fé leûs nids et qu' les frissès rouwalètes ni fourih' nin d'valkizêyes po qu' les trèyresses y v'nih' co tchanter les novèlès tchansons d'Paris, ou nos si doûx crâmignons walons, tot pavant di tetchlés stous, li vért wazon ou l' doux mossê, wisse qu'elles s'achthivèt. Vos pinsez bin, mes bravès djins, qui c'esteût une sotrêye édon qui d'volou fé passer on ch'min d'fêr divins ces bwès-là ! N'alans nin pus lon qui l' Tchavêye Lina, quimint âreût-i fait don po d'hinde et r'monter fou d'une mê assi rastreûtèye ? Et l'thier mons Dri ! et l'çi dè feu d'tchâs dji n'dis nin co et portant way' po les djins qui pass'ront él rouwalète là d'zos si on djoû i birzôdêye al valêye! Li thier Nolu bon ossi, mins l'trô al mâye et l'çi à savion ! qué novèle ? Et l'thiér Peket avou ses trôs et ses bosses, quimint fé po d'hinde di là d'zeûr, seûy'-t-i vès l'Eclôs ou l'thapèle podris l'hâhe ! (*) Infin nos riyîs qu'assotih' di tos ces bwègnes missedjes-là et nos avîs bin raison, ca des annêyes et des razannêyes passît et l' «wapeûr» come on d'hév' a c' timps-là ni passa mây. Mins si dj' eûy situ è nosse mohone, a corant dè Broû, è meûs d'awout 1914, quand di là d'zeû les bwès, dè costé d'l'âbe Patrotet, on-z-oyév' roudi l' canon a tot côp bon, âreûs-dj' co riyé, sọn m'eûy' dit: Ossi vite qui ces bruts-la finih'ront, li ch'min d'fer di mâlédiction hufél'rè di totes les fwèces di s' locomotive tot passant so vosse teût ! — So nosse teût. awè, éco bin pus haut qu' nosse teût. On djoû, des mâdits, adon qu'on z'èsteût d'zos leûs talons, v'nît mèrzer, des autes sûvît plantant des pâs chal et là, après zèls enn' eût po trawer dès tchavêyes, niv'ler des trôs, ristoper des hores ou r'hôssi des basses. Les mâloureûs qu'estit a d'meûre so leu passèdje, n'eûrit qui djusse li timps d' sâver leû bèdrêye, leûs pauves vîx meûbes et tos ces rahisses qui v'nèt des tây's et des tâyurons et qu'on wâde si précheûs'mint. Mins l'foûme è mur, wisse qui dispôy' li vîx pépé on z' a turtos nêhou et là qu' l'ong après l'aute on va sèrer ses ouy's po todis, mins l'djivâ avou s' crucifix d'keûve ou di stin inte deûs tchandleûs, une bwète di brocale so 'n'cwéne et 'n'pipe à l'hôle so l'aute, li vîle hôrlodje inte l'ârmâ et l'ouh' dél plèce di drî, avou on bofet qui pind â cadran djondant d'ine botéye d'hôle di Hârlem elahèye vès l' buzê, li sânî qui lait r'toumer s' covieke chaque côp qu'on va r'çû novèle, li grand mureû avou s' brune câde et li d'fesseû mètou podrî, li conte-coûr, li pîre à feû, li stoûf à pot avou s'plate bûse, wisse qu'on fait cûr les pomes et souwer les hètchotes po l'prumî blamèye à matin, les onès dè plafond po pinde les flitches di lârd, les djambons et l'sâcisse, quand on z'a touwer, li sîz'leû, acrocté è soûmî, les f'gnèsses avou des gordènes qui pindèt so des potêyes di fleûrs, les vêrts volêts, l'ouh di d'vant avou si-onê d'keûve, li spira, li hâhe, lès hâyes, li ponsê, les oûhês atêti di v'ni, tchaque annèye, fé leus nids el minme plèce, tot coula vèyéz-ve, on n'l'èpwète nin avou lu et çou qu'on z' èmonne a-st-ossi mâlâhèye di r'prinde vèye aute pât, qu'on vîx âbe qu'on displante. On djoû donc, on wagon rimpli d'tère et d'trigus qu'on vèyév' dispôy' quéque timps s'aprèpi todis on pau pus près et rècori vinte a tère po riv'ni acoûse, s'apontiha disconte li tch'minèye del prumîre mohone et vuda s'tchèdje qui cwasa l' teût et d' fonça l' plafond. Vos pinsez bin qui les fièsses les pus solides et les soûmis les mîx astipés n'arît polou rat'ni on parèy' pwèds; et s'is s'avît vôcis disconte, is d'vît quand minme si rinde, ca i v'na des autes et co des autes, djusqu'a tant qu'is passih' dissus po ric'minci l'minme ovrèdje pus lon. A c'moumint là, tot l'monde èsteût si d'louhi dè grand mâleûr qui soflév' so nosse pauve pitit payis, qu'on n'si r'tourna wère so ces misèrâbès djins, epwèrtant tot plorant çou qui polît sâver di leus manedjes. Is trovît djîse come is polît, â hazard, les meûbes et lès rahisses eûrît dès plèces « provisoires » come li canâl di Bwès l'Duc… On magna d'zos' n'aute plafond, on louqua houte di des f'gnèsses qui s'drovivet so des autès hayes, on djèmiha, on horba ses lâmes et on s'y fat. Li vèye, hureus'mint, est insi faite qui les pus grandès pônes, arivèt todis on djoû à s'aswadji. Pus târd on hoûta sins colére li huflèt des trains qui passivet-st-asteûr à bê mitan del tèrre Pirote, astohant li cowe Pâques et l'vôye dèl tchavêye direk, po moussi d'vins li spèheur dès thiers di Yonce, riv'ni à djoû à Glons et nn'aler so l' flamind po bèl et po tot, et quand les wazons et les mossês eurît mètou leus vètès mousseures so les hisdeûs «talus », on n'li fat pus les mowes. Asteûr po-z-aler d'vins çou qui d'meûre di ces bês bwès, qui vont mète une si agréabe bwèrdure âs tchamps qui sont là d'zeûr, i fât-st-aler tourner à Bassindje ou passer so Hoûtain, çou qui fait qu'on n'y va pus. Li pus bèle cwèrnète di Roclindje est abîmêye po todis ! Lès vîx èn'iront avou leûs r'grets et les djônes ni s'sârît plainde d'une sakwè qui n'ont nin c'nohou. Portant, di nosse Broû mesbrudjî et racourçi, dji va sayî di r'fé par li pinsêye l'ahâyant tâv'lê po les çis qu'vinront st-après nos autes. Mètans-nos chal à l'ombe des canadas et des ôromes dèl vôye dè tchârlî. A hlintche main li pré Fâbri inte ses hâyes di spènes s'alonguih' djusqu'a Sâçeû ; vès l'mitan on trô, wisse qu'a mons d'êwe qui d'assong', — chèv d'abeû po les vatches; tot disconte, des djoncs d'une téle hauteûr qui nos y alîs djower a l'rèspounète. Disconte çi pré chal, on corti court dilon del vôye tot s'rastreûtihant djusqu'a l'blanque lèvèye. Di chal une goriète d'ôromes avancih' vès l'Eclôs qui l'arête tot vôçant disconte lèye les bures di ses tchâgnes et d' ses biolîs. Des mèyes d'âbes aboutèt leus tiésses foû d'tos les prés d'la âtou. Là pus lon li thier dèl tchapele gripe avou totes ses vèrdures vès l'çir, qu'a l'air di s'abahi po l'aidi à monter. Pus près d'nos autes, à dreûte, li blanque lèvêye avou ses acasias sâye di rèspouner l'tchafor acropou so li d'zeûr d'une « pèloûse » qu'a l'foûme d'une truvèle d'êse sins mantche. Ci n'èsteut la qu'çir et vèrdure. Des pazês et des rouwalètes gâylotés di violètes et d'pâpâ-lôlô, s'èfoncivèt d'vins les cohes wisse qu'on houmév', avou bouneûr, çisse bonne odeur di crouwin, qu'amousse di d'zos les mwètès foyes qui poûrihèt à pid d'l'âbe après aveûr situ si ôrnumint. Des troûlèyes d'oûhês di totes les sôrts tchantivèt là tot avâ. Po zèls come po nos autes, c'èsteût ine cwène dè Paradis. Alez oùy' fể n' tournêye vèrs la, qui vèyez-v' ? On haut et anoyeûs « talus » avou so li d'zeûr des pâs qui s'sûvèt-st-in guilite raloyis l'ong a laute avou des hâsplêyes di fils d'arca, des wagons tot spités qui passèt-st-acoûse, honteûs d'zèls minmes, cwèrant à s'ewalper el sipèsse et flairante foumî qui soflet foû d'leûs gueuyes, des autes co pus mâssîs, etchinnés, dwèrmèt pâhûlmint durant des longuès saminnes à mitan d'dès jèbes que l'zi montèt djusqu'âs moyous. Po nos d'goster tot à fait d'louquî di ç'costè là on z'a {{cor|cathî|catchî}} 'n' pârtèye dè cir avou on batumint qui n'a ni coleur, ni foume, ni façon: c'est l'gâre. Les djins n'y v'nèt qui djusse li timps di s'sâver à tote vapeûr. I n'est pus li bê timps, qui di nos f'gnèsses nos vèyîs d'wisse qui l'vint soflév', rin qu'a louquî les rivèrinces qui les âbes si fivèt inte zèls, so les haûteûrs dè « tchvau-â-Bay' ». Ah! mes bèlès annêyes, i n'vis d'meûre pus po v'racrocter â passé qui mes doûx sov'nîrs. Come des ombions, is balzinèt lôy'minôy', discoredjî di n' pus r'trover çou qui m'tinév' tant à coûr et, mâgré tot, is riv'net sins r'lah', pinsant bin sûr qu'une nute, par murâke, tos ces damnés ovrèdjes sèront soflés à diale et co pus lon. Li ci qu'a co l'teûtê wisse qu'a nêhou, ni c'nohe si boûneur ! </div> [[Categoreye:Ouves sicrîtes e Feller]] [[Categoreye:Ouves sicrîtes e Feller timprou]] [[Categoreye:Bassindje]] [[Categoreye:Tecses]] i0mcn4j1tpp2dgbsoajan4eio1z31yx